بيضحكوا علينا من زمااااااااااااااااااااااان
طول عمرنا نسمع كلام حلو أوي عن بلادنا.
كلام من نوعيه العامل المصري امهر عمال العالم .ومش عارفه مهندسين ألمان كانوا جايين يركبوا مكن هنا ف مصر ماعرفوش يركبوه قام واحد عامل مصري عادي جدا ركبلهم المكن اللي هما أصلا مخترعينه وجايبينه معاهم عشان يركبوه لنا هنا .
الطفل المصري أذكي أطفال العالم .ولو عملنا مسابقه بين كل أطفال العالم ف سن مبكرة جدا حايطلع الطفل المصري أذكاهم .
القطن المصري أفضل أقطان العالم .وبيتمتع بأنه طويل التيلة وحتى القصير منه من أفضل أقطان الدنيا .
الجو المصري أحسن جو ف العالم . فهو حار جاف صيفا دفئ ممطر شتاءا والناس بتيجي من أخر الدنيا للتمتع بشمس مصر وجوها الجميل .
النيل المصري أعذب انهار العالم .وماشربتش من نيلها طب جربت تغنيلها. واللي يشرب م النيل لازم يرجع له تاني .
الفلاح المصري أعظم فلاحين العالم . وبينتج أفضل مزروعات ف الدنيا .
الحضارة المصرية القديمة أعظم حضارات العالم . وكل الاكتشافات الحديثة اكتشفوا إن المصريين القدماء اكتشفوها قبل كده بس الظاهر إنهم كانوا عايشيين ف كوكب تاني عشان كده ماوصلش لنا منهم أي اكتشاف خالص.
أشطه ؟
طيب تعالوا كده نتكلم عن الحاجات دي بالتفصيل الممل اللي يعل .
العامل المصري:
العامل المصري اللي واخدها حرفه أبا عن جد يعني بيتعلم الصنعة من أبوه من جده من ابن عمة جوز خالته . يعني مافيش أي تطوير أساسا للمهنه .
كمان فين الميكنة الحديثة عندنا اللي تخلي العمل المصري يقدر يبدع ويبتكر ويشتغل كويس
فين الأجور المناسبة اللي تخلي العمل يشتغل صح .يبقي العامل الغلبان اللي يادوب مقضيها عيش حاف وميه ساقعه أحسن عامل ف الدنيا ؟ باماره إيه طيب؟
الطفل المصري:
الطفل المصري اللي مولود لأسره عاديه خالص بيعاني من سوء التغذية مهما أكل لحوم وبروتينات لأنه م الأخر بياكلها مره ولا أتنين ف الأسبوع ويمكن ف الشهر حتى . وحتى لما بياكلها كلها هرمونات ومتغذية علي العلف اللي هو أصلا بيتعمل من الحيوانات الميتة ودم الحيوانات . وحتى اللبن مغشوش ومناهج التعليم المعجزة اللي
المزيد
ـــــــــــــــــــــــــــــــــــــــــــــــــــــــــ
التصنيفات : غير مصنف |
لوحات لا توجد الا في مصر 
